ترغب العديد من النساء في بشرة ناعمة متألقة وكلها نضارة وخالية من العيوب والبثور والحبوب ولذلك يجب عمل روتين دائم لتنظيف البشرة لما يقدمه من مميزات كثيرة ولتجديد خلايا البشرة وازالة الجلد الميت منها.

وكل دا من المنزل بطريقة سهلة جدًا وبسيطة وتوفير للوقت والجهد والتكلفة وباسرار الكوافيرات والصالونات.

مراحل تنظيف البشرة

1-حمام البخار.
2-تقشير البشرة.
3-غلق المسام.
4-ترطيب البشرة.

كلنا بنبقي فاكرين اننا لما نغسل وشنا بصابون او حتي بالغسول ان بشرتنا بقت نضيفة لكن للاسف احنا كدا بنكون بنضف بشرتنا بشكل سطحي مش اكتر، وبسبب تعرض البشرة للشمس وعوامل الجو والاتربة وترسبات واملاح من استخدام الصابون ف مسام البشرة بتكون مليانة ب دهون وزيوت متراكمة وجلد ميت ويجب علينا تنظيف بشرتنا والعناية بها باستمرار للتخلص من كل هذه المشاكل.

ونبدأ بأول خطوة: بخار الماء

تنظيف البشرة

وتعالي نعرف ايه فايدة حمام البخار

حمام البخار بيساعد علي تفتيح مسام البشرة علشان تسهل علينا خروج الاوساخ منها، وبيدوب الدهون الموجودة في الوش وخاصة منطقة الانف والدقن كما يساعد علي ترطيب البشرة جيدًا، وايضا يساعد الجلد الميت انه يبقي طري علشان يسهل وقوعه اثناء مرحلة التقشير.

طريقة بخار الماء

هنغلي شوية مياه ونحطهم ف طبق واسع او حله، وممكن نحط مع المياه اعشاب زي نعناع او ورد مجفف او معلقة زيت لافندر او رشة قرفة وممكن مش تحطي حاجة وتكتفي بالمياه المغلية فقط.

هنحط فوطة فوق راسنا ونغطي بيها نفسنا ونقرب وشنا من الطبق او الحلة بحيث يطلع البخار علي وشنا كله وفي نفس الوقت الفوطة تمنعه من الخروج بره.

ويمكنك الاستعانة بجهاز البخار الكهربائي بدلًا من كل هذا وسعره بسيط جدا وهتلاقيه هنا.

الخطوة الثانيه : تقشير البشرة

تنظيف البشرة

ودي فايدتها اننا نقشر طبقة الجلد الميت الموجود علي البشرة السطحية اللي بتسبب الجفاف والبهتان.

نعمل صنفرة وتقشير للبشرة عن طريق وصفات طبيعية

نحضر معلقتين من السكر او القهوة وعليهم نقطتين من الليمون (غير مناسب للبشرة الحساسة) ومعلقة زيت لوز او زيتون، وهناخد من الصنفرة دي وندعك وشنا كله برفق بحركات دائرية في اتجاه واحد لمدة 5 دقائق ونغسل وشنا بمياه دافيه.

وممكن نستعين بابرة التنظيف الخاصة بالبشرة لازالة البثور والروؤس السوداء والبيضاء الموجودة في البشرة خاصة منطقة الدقن والانف.

الخطوة التالتة: غلق مسام البشرة

تنظيف البشرة

طبعًا المسام بتاعتنا بتكون لسه مفتوحة ف لازم نعمل غلق للمسام دي علشان مش تتراكم بأي شوائب تاني او اوساخ.

بنعمل دا بعدة طرق
منها اننا نجيب تلج ونحطه في كيس ونمشي الكيس دا علي وشنا كله او نستخدم تونر او تونك.

طريقة عمل تونر طبيعي في البيت

نحط ماء ورد في قوالب التلج ونحطها في الفريزر لحد التجميد وبعدها ناخد مكعب ونمشيه علي بشرتنا كلها.

الخطوة الرابعة والاخيرة: الترطيب

لحماية البشرة من الجفاف بعد جلسة تنظيف البشرة لازم نرطبها بأي مرطب مناسب لبشرتنا او ممكن نستخدم زبدة شيا خام.

ملحوظة

جلسة تنظيف البشرة بتتعمل مرة اسبوعيًا (للبشرة العادية والجافة والحساسة) ومرتين اسبوعًيا (للبشرة الدهنية).
ويمكن عمل ماسكات تفتييح او ترطيب او نضارة بعد الخطوة التانية مباشرة حتي تستفيد البشرة بالماسك.

طريقة فعالة لتفتييح ونضارة البشرة ومناسب لجميع انواع البشرة

3 معالق من الزبادي

ومعلقة عسل نحل

ونحطه علي البشرة لمدة 15 دقيقة ونغسل وشنا بمياه دافيه.

وصفة الخميرة لمحاربة التجاعيد ومشاكل البشرة المختلفة

معلقة كبيرة من الزبادي

معلقة كبيرة من العسل النحل

معلقة صغيرة من الخميرة

نقوم بخلط الزبادي مع الخميرة حتي الذوبان ثم اضافة العسل للحصول علي خليط متجانس، نقوم بفرده علي البشرة لمدة 15 دقيقة ثم غسله والنتيجة مبهرة.

تعرفي علي افضل 5 طرق لماسك القهوة لتفتيح ونضارة البشرة من هنا

تعرفي علي علاج تشقق الشفايف في فصل الشتاء بوصفات طبيعية وفعاله من هنا