سكن الغربة

الغربة ممكن تكون كويسة للبعض وممكن تكون سيئة للبعض ولكن سكن الغربة هو من احد الاشياء الجديدة والصعبة علي المغترب حديثا حيث التعود علي مشاركة الغرفة مع الاخرين

أول يوم من سكن الغربة فى الامارات

ياسر شاب طموح  منذ نهاية الكلية ابتدي البحث عن وظيفة ولم يجد وظيفة  مناسبة  لان معظمها  ذات راتب ضئيل ولا يقدر علي تكوين مستقبله من هذا العمل فقرر السفر والبحث عن عمل

قرر الذهاب الي الامارات عند صديقه محمد وعندما وصل المطار استقبله محمد

ياسر : انا طول الرحلة في الطيارة صاحي بتفرج علي السحب وانت قولتلي أختار كرسي جنب الشباك وحقيقي المنظر جميل جدا, والطيار واحنا نازلين دبي لف لفة جميلة شوفت الامارات من فوق وعايز اشوف كل حاجة فيها

محمد : حمد الله علي السلامة يا غالي  كلنا كنا مبهورين كده في الاول وبعدين اكشتفنا المرار!

ياسر : انت من اولها كده بتقفلها في وشي ايه يا اخي ده اول مرة اسافر وادور علي شغل براحة عليا شوية

محمد : اضحك عليك يعني  انت صاحبي واخويا بقولك الحقيقة من وانت في مصر علشان متتفجأش

ياسر : طيب يلا هنعمل ايه دلوقتي انا مشتي من مصر والجو عندكم حر

محمد : يلا علي العربية

في الطريق ياسر مطلع راسه بره شباك العربية بيتفرج علي البلد وعلي الابراج وناطحات السحاب زي الاطفال

البناية 

دبي

وصلو البناية ناطحة سحاب مكونة من 22 دور

ياسر  : انا هسكن هنا في الناطحة دي

محمد : اصبر انت لسة مشوفتش سكنك

ياسر : انت ليه محبط كده يا اخي مفيش كلمة حلوة منك

السكن عبارة عن شقة علي يمين باب الشقة المطبخ ثم الحمام وصالة متوسطة واربع غرف كل غرفة بها 3 سراير  يوجد غرفة بها سرير فاضي

محمد : ده سريرك هتنام هنا وده دولابك

ياسر : انا هنام في الاوضة لوحدي حلو جدا

محمد : ياعم انت بتحلم مفيش الكلام ده هتنام علي السرير ده ومعاك اتنين كمان فاكر نفسك في مصر في اوضتك انسي يا معلم

ياسر : طيب ومين هيسكن معايا وايه نظامهم انت تعرفهم

محمد : مستعجل علي ايه هتشوفهم وتعرفهم وهتعيش معاهم يلا بقه اسيبك وامشي الحق انا شغلي سلام

ياسر : يارب يطلعو كويسين روح الحق شغلك سلام يا صاحبي

زمايل الغرفة

الغرفة يسكنها خالد يعمل في صيانة الطرق وابراهيم يعمل في مجال المعمار

خالد : السلام عليكم انت الساكن الجديد  حمد الله علي السلامة انا خالد ولو سمحت بنام بدري علشان بنصحي الساعة 6 ولو بتشرب سجاير بلاش في الاوضة اشرب بره في الصالة

ياسر : وعليكم السلام اهلا بيك يا خالد حاضر هعمل حسابي في نومك واه بشرب سجاير هشرب بره  متقلقش , ممكن تقولي نظام البلد هنا ايه

خالد : البلد دي لازم تركز في شغلك ومتصرفش كتير علشان تعرف تحوش  وتنام بدري  وتصحي بدري علشان شغلك ومتتعرفش علي ناس كتير في البلد

ياسر : بس انا بحب السهر والخروج والتعرف علي الناس

خالد : انا بقولك خبرة سبع سنين وبراحتك

ياسر : شكرا لنصيحتك

شوية وخالد نام وبعد دقايق جه ابراهيم ودخل نام في صمت ، افكار كتير جت في دماغ ياسر انا هلاقي شغل ازاي وهعيش ازاي مع الناس دول انا مبحبش الهدوء والضلمة دي يارب صبرني وهونها عليا

محمد : صباح الخير يا ياسر في شركة محتاجة مبيعات اعرف حد هناك البس هبعتلك العنوان روح حالا

ياسر : ابعت وحالا هنزل اروح تسلم يا صاحبي

راح ياسر وقدم وقبل في الشغل من أول مقابلة في الامارات

وبعد اسبوع من استلامه الشغل

ياسر داخل الاوضة بالليل الساعة عشرة وإبراهيم وخالد نايمين فتح باب الاوضة علشان بدخل نور يعرف يشوف يغير هدومه ويظبط حاله خالد تمتم وهو نايم تؤتؤ النور يا ياسر جي في عيني خش واقفل الباب وافتح التلفزيون ووطيه دخل ياسر فعلا وقفل الباب وعلشان مش شايف خبط في الطرابيزة جامد

كان مخنوق ونام ودماغه بتغلي

تاني يوم الشغل كان مرهق جدا وروح الساعة سبعة ولما وصل دار حوار مع خالدو ابراهيم

خالد : ياسر احنا بقالنا سنين في الامارات وعايشين بنظام في الاوضة فلو سمحت عيش علي نظامنا وخلي الايام تعدي

ابراهيم : ياسر احنا بيطلع عنينا في الشغل بنيجي عايزين ننام

ياسر : هو انتم في ايه فاكرين نفسكم كده عايشين صح لا انتم غلط  اساسا انا مستحمل وبقول بكره يتغيرو  , بس لا انا بعد كده هاجي واقعد براحتي وانور النور واشرب سجاير واكل ولما اجي انام مسمعش صوت حد كل واحد هنا بيدفع فلوس مش قاعد ببلاش والي مش عاجبه يمشي مع السلامة .

خالد وابراهيم في صمت نامو وفضلو كده لمدة اسبوع مفيش اي تغير لحد ما اشتكو للناطور عم محمد وكان مصري اصيل واتكلم مع ياسر

عم محمد : يا ياسر يا ابني انا هشوفلك سكن تاني في بناية تانية بس سيب الاتنين دول في حالهم هما اصلا حياتهم كده

ياسر : انا مش همشي من هنا هما يمشو يشوفو مكان تاني انا مش ماشي ومتفتحش معايا الموضوع ده تاني يا عم محمد انا مش بعمل حاجة غلط انا بعيش حياة طبيعة

وبعد كام يوم سمير ابن عم محمد قابل ياسر وهو طالع ووقفه

سمير : يا اخ ياسر في سرير فاضي في اوضة في الدور الي فوقك ايه رائيك تيجي تبص عليها وتشوف يمكن تعجبك

ياسر : لا مش هروح في حتة هما يمشو انا مش هنقل

سمير : طيب تعالا شوف المكان وبعد كده قرر

طلعو فعلا شافو المكان في اتنين زياد قاعد على اللاب توب بتاعه ويسري  مش موجود

ياسر : السلام عليكم , هو التلفزيون مش شغال ولا ايه

زياد : شغال بس احنا مش بنستخدمه

ياسر : يا سمير قبل ما اسكن التلفزيون ده يكون شغال وانا بشرب سجاير علشان تكون عارف يا زياد

زياد : حبيبي معاك وهنشرب سوا

واخيرا نقل ياسر للاوضة الجديدة وفضل قاعد اسبوع زياد بيرجع من الشغل علي الساعة 6 يقعد علي اللاب لحد الساعة عشرة وينام ويسري مختفي الكام يوم دول واخيرا ظهر

ياسر : انت مختفي من اسبوع وانا معاكم جديد هنا

يسري : انا مش بقعد كتير في الاوضة علشان زياد بينام بدري وانا مش كده وبحب اسهر

ياسر : حبيبي انا بعشق السهر اصلا وزياد انا هترجمه

يسري : قشطة هنظبط الكلام

وده جزء بسيط من الحياة في  سكن الغربة وطبعا في مواقف كتير وحكايات كتير ممكن نتكلم فيها في قصص تانية