Connect with us

مشاكل اسرية

الطريق الجزءالأول 1

Avatar

نشر

على

الطريق الجزء 2

الطريق إخترتة عنوان لمشكلة كتير من البيوت بتعاني منها وإللي للأسف لو كل واحد من الطرفين إدي لنفسة فرصة إنو يشوف الطريق إللي يوصلة للطرف التاني صح كانوا هايبقوا في غني عن مشاكل كتيرة قوي .في كل مشكلة هاأعرضها هاأستخلصلك منها العبرة إلي ممكن ناخدها من المشكلة دي علشان نساعد بقدر الإمكان إن إنتي وغيرك ماتوقعيش في نفس المشكلة فاتابعيني .

رحاب طالبه شاطره و متفوقه، دخلت كليه من كليات القمه ،وكانت كل الناس بتشيد بذكائها، اتقدم لها واحد مهندس معروف وبما انه مهندس بترول فكان شغله بره مصر .

حب يختار إنسانه كويسةوعلى خلق ودين ،وإتجوزوا بعد فتره خطوبه قصيره جدا، وعاشوا حياه في بدايتها كانت صعبه و كانوا عايشين في بيت اهله، أبو الشاب ده كان انسان كويس جدا.وكانت معاملتة مع رحاب كويسة .

لكن امه معاملتها مع رحاب ، كانت قاسيه جدا كان لزوج رحاب أخين تانيين حصلت بين أخوه الكبير  وبين مراته مشاكل كتير ،و نتيجه تدخل أمه في المشاكل دي اطلقوا، وكمان الثاني برده حصلت نفس المشاكل بينو وبين مراته، فاطلقوا هما كمان .

فما كانش عايش معاها غير رحاب وزوجها، علشان كده فكرت رحاب وزوجها انهم ياخدوا شقه بعيده عن حماتها علشان يبعدوا عن المشاكل دي خاصه وان زوجها كانت حالته الماديه بدأتتتحسن فأخدو شقه في مكان راقي وشيك ،والشقة كانت بدون تشطيب وقرروا يشطبوها  على مهلهم، وفي نفس  الوقت رحاب  مش قادره تعيش مع حماتها في الظروف وفي  الجو ده، خاصه وإن حماتها بتدخل كتير في حياتهم زي ما كانت بتعمل مع إخوات جوزها الاثنين التانيبن .

وكمان في نفس الوقت  أولادها كانوا بعيد عن المدرسه بتاعتهم و علشان زوجها ما كانش موجود طول الوقت و كان بيسافر كتير فكرت ان هي تاخد أجازه من شغلها وهو كان دايما  بيطلب منها ان هي تستقيل لأن هي مش محتاجه الشغل لانه شغله كويس ودخلهم اصبح كويس وحالتهم الماديه بقت أحسن ولكن هي كانت شايفه بما انها تقدر تاخذ اجازه فليه  تستقيل فأخدت أجازه من الشغل.

مقالات ذات صلة  مشاكل الخيانة الزوجية وعلاجها

بعد فتره شاف زوجها انه مدارس الأولاد  بعيده عن البيت و كان بيدفع لهم للباصات فلوس كتيره جدا فقرر ان هو يأجرلهم شقه تكون قريبه من المدرسه بتاعتهم لحد مايشطبوا الشقة إلى أخدوها ،وفعلا ايجار الشقه كان اقل من الفلوس اللي كان بيدفعها للباصات بتاعت الأولاد علشان يروحوا المدرسه كمان كان إرتاح من المشاكل  اللي كانت بين أمه وبين مراته.

أرشح لكي : عاشت حزينه وماتت وحيدة الجزء الأول

رحاب كان عندها ثلاث أولاد من زوجها وللأسف بعد ما انتقلت للشقه الجديده حصلت بينهم مشاكل كتير ،وده بسبب أسلوبه في التعامل معاها لأنه كان دايما محسسها ان انه مش بيحبها ،وانه عايش معاها علشان خاطر الأولاد وبس، وبعد كده زادت المشاكل فعلا بين رحاب وبين زوجها، وطلبت منه كتير ان هو يطلقها وبالفعل طلقها، وفي كل مره بعد الطلاق ،كانت بترجع وللأسف الأهل ما كانش لهم دور قوي في المشاكل دي.

بعد كده اكتشفت رحاب ان زوجها على علاقه بواحده تانيه، وده لأن  أسلوبه هو اللي خلاها تشك فيه لأنه دايما كان محسسها ان هو مش بيحبها و إن هو مش مقتنع بيها كاست فاعلشان كده بدأت انها تدور وراه وده مش معناه ان هو كان انسان كويس من الأول بالعكس هو كان  من الأول إنسان مش كويس ولكن للأسف رحاب هي اللي ما كانتش عايزه تشوف ده فيه ،لأنها كانت بتحبه وفعلا اكتشفت رحاب ان زوجها على علاقه بواحده تانيه.

وعلي الرغم من إن زوجها كانت حالتة المادية بقت كويسة جدا ،إلا إنه للأسف كان مش عايز يصرف عليها وكان بيديها فلوس قليلة جدا ،ولما واجهة رحاب زوجها وقالت له إنها عرفت إنه علي علاقة بواحدة تانية ، فقال لها بصي لنفسك وانت تعرفي.

مقالات ذات صلة  الطريق الجزء 3

كان رد فعل رحاب إنها قعدت تأنب فية وقالتلة ، أنا قصرت معاك في أيه انا باعمل كل حاجه انا سبت شغلي علشان أولادي أنا قايمه بدورك وبدوري ،ولكن للأسف هو ما كانش شايف ده كل والحقيقة  فعلا ان رحاب ماكانتش مهتمة بنفسها ولا بمظهرها كان كل تفكيرها في أولادها ، وفي مذاكرتهم ولأن زي ما قلت رحاب كانت إنسانه ذكيه جدا كانت مهتمة بدراسه أولادها قوي،و طبعا هم كانوا في مدارس اجنبيه ،و كانوا بيطلعوا من الاوائل على المدرسه، مع العلم ان هي ما كانتش بتدي لأولادها  اي دروس، هي اللي كانت مهتمة بمذاكرتهم،  وكانت مهملة نفسها.

خاصة وده لأنه كان طول الوقت مش موجود معاهم ولأن أجازاته كانت بتبقى قليله جدا، و مدتها قصيره فده خلاها ما تفكرش ان هي تهتم بنفسها فكان كل تفكيرها منصب بس على الأولاد وبس ، المهم بعدما زادت المشاكل بين رحاب وبين زوجها، وثوراتها الكتير بسبب علاقاته دي .

ولأنه زي ماقولت إنو كان حريص إنو يكمل معاها بس علان الأولاد ، طمنها، ووعدها إنو مش هيعمل الموضوع ده تاني و إتحلت المشاكل بينهم في الوقت ده ولأنه كان بيسافر كتير و بيقعد فتره طويله بره فالبعد ده كان من العوامل اللي بتهدي الوضع بينهم هم الاتنين بس هل المشاكل فعلا انتهت بين رحاب وزوجها وهل فعلا عاشوا حياه مستقره وحياه سعيده ده اللي هنعرفه في الجزء الثاني من المشكله.

لا يفوتك : ( الطريق الجزء الثاني )

مهتمه بمجال المطبخ العربى والوصفات الشرقيه حاصله على ليسانس اداب وتربيه واعشق المطبخ العربي بكل تفاصيله واجيد عمل اكلات شرقيه وخليجيه ولكن بطريقتى واسلوبي المتميز

Advertisement

أحدث المقالات

الأكثر قراءة